Former Secretary to di Government of di Federation, Babachir Lawal, don officially join di Nigeria Democratic Congress, NDC, three months afta e comot from di African Democratic Congress, ADC.
Lawal announce im defection for Abuja on Tuesday, September 22, 2026, where leaders of di NDC receive am for di party. As part of di development, NDC National Leader, Senator Seriake Dickson, give Lawal responsibility make em oversee party activities and campaign work for di North-East ahead of di 2027 general election.
Lawal don make am clear say e dey support di NDC presidential ticket of Peter Obi and Rabiu Kwankwaso for di 2027 election. E say Nigerians wey dey concerned about insecurity, hunger, ignorance, disease and oda serious problems for di kontri go consider di NDC as political platform.
Dickson, As Lawal dey welcomed,em describe am as experienced political mobiliser and activist. According to di NDC leader, Lawal go help coordinate party activities and campaign structures across di North-East, including giving guidance and helping resolve issues wey fit come up among candidates and party structures for di region.
Di latest movement come about three months afta Lawal leave di ADC for June 1, 2026. At dat time, e accuse di party for manipulating em presidential primary to favour former Vice-President Atiku Abubakar. Lawal describe di process as seriously flawed and say e no wan remain inside any political party wey e believe say no conduct internal election properly.
Atiku and im camp reject Lawal allegations. Atiku’s spokesperson, Phrank Shaibu, say Lawal no provide verifiable evidence to support di claim wey di ADC primary fey manipulated for Atiku favour. Di disagreement lata become one of di major political issues between Lawal and di former vice-president as di opposition camp dey rearrange emself ahead of 2027.
Before e join di NDC, Lawal don take different political positions around di 2027 election. E previously support Peter Obi for di 2023 presidential election and lata con involved with di ADC coalition before e fall out with di party afta Atiku emerge as em presidential candidate.
Lawal’s decision to enta di NDC go put am inside di same political structure with Obi and Kwankwaso, who both enta di NDC before for 2026 afta dem comot for ADC. Di development show how opposition politicians and groups continue to realign dia political structures as Nigeria dey move closer to di 2027 general election.
Di development too get particular importance for di North-East because Lawal come from Adamawa State and previously hold di position of SGF under former President Muhammadu Buhari. With di new responsibility wey di NDC give am, em role go involve political mobilisation and campaign coordination across one of di kontri’s major geopolitical zones.
For now, Lawal’s movement bring anoda major change inside di opposition political space. But weda di new alliance go translate to stronger grassroots organisation or wider support for di NDC na something wey future political activities and the 2027 election process go determine.
Babachir Lawal don join NDC three months after e comot from ADC, declare support for Obi-Kwankwaso ticket and receive North-East campaign role ahead of 2027.