Hyprep council don yan say dem go finish all di Ogoni projects wey dem don award.
Di hydrocarbon pollution remediation project (HYPREP) don yan say dem go do every correct thing wey dem fit do make sure say all di projects wey dem don give for Ogoniland finish sharp sharp.
Di promise na for Thursday, September 10, 2026, after di Hyprep governing council team don do two day inspection for different project sites and livelihood training centres for Khana, Tai, Gokana, and Eleme local government areas for Rivers State. Di visit na part of di council hustle to check how di ongoing Ogoni cleanup dey go and to sabi some gbege wey dey slow di project waka.
For Vuruvuru creek for Bdere community, Gokana LGA, di team don call make dem check again and adjust di work wey dem go do for di shoreline remediation project. Hyprep technical assistant for shoreline cleanup, Peter Lenu, talk say di level of hydrocarbon contamination for di area don dey increase as years dey go. According to am, contractors don already recover and treat plenty metric tonnes of oil, but di original. Dem talk say make dem do reassessment go help sabi di true depth and size of di pollution, so dem fit do correct remediation, no be to do work wey no go solve di mata well well.
di council people dem come check di software development training wey dem dey run for 152 Ogoni pikin dem for Rivers State University team oga, prof Wibiere Michael, make you hala di beneficiaries make dem no slack, make dem take dis chance serious, no dey waka comot or show late. Dem talk say dem don put plenty moni for di programme and di people wey dey benefit suppose make beta use am, so dem go fit represent di project well well.
At di end of di inspection, Michael say di council dey impressed with di livelihood programmes and di number of Ogoni youths wey dey benefit from different initiatives. E also mention di B Dere water project and other projects wey still need attention, stressing say di council go work with di Project Coordination Office to address challenges affecting completion. E add say contractors wey leave project sites because of funding issues suppose return as soon as possible once di necessary arrangements don dey place.
HYPREP Director of Technical Services, Professor Damian Paul Aguiyi, say di inspection go help improve di relationship between di Governing Council and di Project Coordination Office and make dem solve challenges faster. Apart from di VuruVuru Creek site and youth training programme, di council members also inspect di 100 bed Ogoni Specialist Hospital, B Dere Water Project, Bomu Mangrove Restoration Site and Ogoni Power Project for Bodo, among other projects. Di wider aim of di cleanup programme na to remediate areas affected by decades of oil pollution while also providing infrastructure, livelihood opportunities and environmental restoration for communities across Ogoniland.