OVER 90 PIPO GET FREE HEALTH CHECK AS IKEJA MODEL VIRTUAL LIONS CLUB RUN SERVICE WORK.
More than 90 pipo don benefit from free health check and talk wey Ikeja Model Virtual Lions Club organise for Atican Beach, Okun Ajah, Lekki, Lagos.
The service wey happen on September 4, 2026, as one of di tins wey dem dey do to mark di presentation of Lion Phina Nwando Origho, PMJF, as di first Governor for di new Lions International District 404-B5 wey dem just create
Di programme wey get di theme “Service, Sand and Smiles” na to make people for di community sabi well well about dia health, especially tins wey concern paediatric cancer, diabetes and mental health.
Members of the club come waka for beach dey yarn with pipo wey dey live there and pipo wey just come, dey share info materials and still dey invite people make dem come do free health check.
Di screening bin cover blood pressure and blood sugar check and some people wey di screening show say dem need more attention, dem tell dem make dem waka go hospital for further checkup.
As e dey yan for the programme, Lion Faith Johnson wey be Club Administrator for Ikeja Model Virtual Lions Club, come tell people about diabetes and also give the opening talk on behalf of Lion Grace Quick, wey be the first president of the club.
Before the screening start proper, Lion Olore Imokhe, wey be Leader and Treasurer of the Club, don yan to di participants about mental health and don officially open di screening exercise.
Lion Joy Efejuku also use the opportunity to talk about paediatric cancer and why people need to take the thing seriously.
Di organisers talk say dis activity na part of di club dem big community service work, dem wan make people dey prevent health wahala, dey check dia health steady steady and sabi some common health gbege dem.
After dem finish di health service, di people begin jolly as dem join different social activities, like di football match wey di male lions and female lions dey play.
The Female Lions no gree carry last as dem beat the Male Lions 1–0 for the match.
Di event go still show di official introduction of di District Governor, plus make members of di Club and di Leaders of District 404-B5 together.
For the fundraising wey dem dey do for the District Governor’s project, Ikeja Model Virtual Lions Club don donate pass N1 million, na wetin the club talk be that.
Di club wey get near 90 pipo talk say di activity na to show how dem serious to serve di community and keep di Lions International message wey be we serve alive.