TRUMP DON BAN CNN, MS NOW, POLITICO FROM WHITE HOUSE AS IM START TRUMP TV.
Di president for United States, Donald Trump, don block CNN, MS Now and Politico from White House, say dem dey always publish fake news about how im dey run im government.
Trump talk for September 18, 2026 for one post for Truth Social, say di ban don start sharp sharp. E still talk say other media fit jam same wahala like dat one.
Trump talk say im decision na because of how dem media don dey report am steady steady for plenty years. Im still drag politico for one $8 million dollars government subscription wey dem do for Biden time, im talk say e no correct at all
CNN, MS Now and Politico don reject di restriction as dem come carry matter go court for federal level to challenge wetin White House do. Dem organisation dey talk say di ban dey violate dia first amendment rights and di due process protection dem.
Di wahala don shake di old White House TV press crew too. Big TV networks talk say dem go stop share coverage after CNN no fit do their assigned work, so some presidential event video no dey pass through the normal way again.
For di middle of di wahala, di White House for September 21 come start Trump TV, di essentials station, na 24 hour online streaming wey go dey show Trump videos, government announcement, presidential talk plus video from old events. Di White House talk say di platform na place wey people fit see di big big tins wey di government dey do plus di newest gist dem.
Di launch of Trump TV come just days after dem ban media and as CNN, MSNBC and Politico dem carry legal palava go court. Di wahala don make di gbege for America strong well well about who get power for media, how press fit do their work free, and how government dey relate with independent news people dem.