FRSC for Cross River don start di ember months road safety campaign.
Federal Road Safety Corps (FRSC) for Cross River don start their special ember months road safety campaign. Dem wan control traffic, reduce road wahala for road, and make sure say all road users dey safe for this 2026 festive period.
According to di talk wey Cross River sector commander, Innocent Etuk, sign and release give journalists for Calabar, FRSC don increase special patrol for major highways, busy traffic areas, black spots and other places wey accident and traffic jam dey happen well well. Patrol officers go siddon for correct areas to watch motorists, make sure dem follow road laws and quick quick show face when gbege burst.
Etuk talk say FRSC go dey watch well well for dangerous driving, overloading, over speeding, driving after drink or take drugs, dey use phone while dey drive, no wear seatbelt, bad tyres, motor wey no fit road and number plate wahala. Dem go still put people for big junctions, entry and exit points plus motor parks to make traffic dey flow well and stop wahala wey no need.
Di command don plan to run public awareness campaign for radio, TV, social media, motor parks, town hall meetings, and road shows too. Etuk dey beg all motorist dem, commercial driver dem, passenger dem plus all road user make dem dey drive with patience, discipline and extra caution, especially as movement dey always increase for ember months. E still yarn make people plan dia waka well, rest small before dem long journey. dangerous driving through FRSC toll free line 122. He stress say the operation no be only about arresting offenders, but na about everybody joining hand to save lives, prevent crashes and make movement of people and goods smooth for Cross River.
![Subscribe to Obaland Magazine](<a href="/advertise"> <img src="https://yourwebsite.com/path-to-ad.jpg" alt="Advertise with us" width="300" height="250"> </a>){kind=link}