Goverment Carry Poverty Fight Go Oyo, Enugu and Kebbi for Young People to l Learn Work Wey Fit Bring Money.

Goverment Carry Poverty Fight Go Oyo, Enugu and Kebbi for Young People to  Learn Work Wey Fit Bring Money.

Federal Government don carry im National Poverty Reduction with Growth Strategy (NPRGS) go Oyo, Enugu and Kebbi State. Di plan na to help young people learn work wey fit make dem get money, start small business and take care of demself.

Na Office of the Senior Special Assistant to the President on Technical, Vocational and Entrepreneurship Education (OSSAP-TVEE) dey handle di programme. Government tok say dem wan use di plan fight poverty, help young people get work and make dem fit stand pan dem own feet.

Di programme first start for Abuja for June 30, 2025. Dat time, young people learn work like computer security, website making and solar light installation. Government tok say more than 7,000 pipo apply for di training for Abuja.

For Oyo State, young people go learn how for make picture and other computer work with AI, makeup work and clothes making. Di training go start September 28, 2026.

For Enugu State, di work dem go learn na makeup, solar light installation and clothes making. Di solar work go teach dem how for put solar panel, repair am and make e give light for places wey no get normal light.

For Kebbi State, young people go learn computer picture work with AI, clothes making and farm work. Di farm training go teach dem how to make yoghurt, work milk, pack am and run small farm business.

After di training, Government go give some of di learners things wey dem need for start work. People wey learn computer picture work go get laptop. Makeup learners go get makeup box. Clothes makers go get sewing machine and other things. People wey learn yoghurt making go get things wey dem need for make yoghurt.

Government tok say di plan na for help young people wey no get work or wey no dey get enough money from di work dem dey do. Di plan also wan make young people learn work wey fit help dem start something for demself.

Government don ask state leaders, traditional rulers, community leaders and business people make Dem join hand support di programme so dat more young people fit benefit.