Sheikh Ibrahim bin Adel Al-Madani, one of di Muezzins for Masjid Al-Haram, Makkah, Saudi Arabia, don die on Monday, September 21, 2026, according to Saudi Media Reports.
Di 51-year-old Sheikh Ibrahim na one of di 24 main Muezzins wey dey serve for Makkah Grand Mosque. Six of dem dey take turn every day to call Muslims to di five daily Prayers, including di first Fajr Call. Reports say Sheikh Ibrahim become well known especially for di way e dey perform Fajr Adhan, Takbir and di work of passing di Imam voice through di Mosque Sound System.
Di News of im Death come out on Monday through Saudi Media Reports and People wey dey follow Activities around di Two Holy Mosques. Recordings of Sheikh Ibrahim voice while e dey perform Adhan and Takbir for Masjid Al-Haram also begin spread across Social Media as Muslims remember im years of Service.
Sheikh Ibrahim final Call to Prayer for di Grand Mosque na di first Fajr Adhan on Monday, hours before e die.
Sheikh Ibrahim come from Madinah and e start dey call Adhan when e still dey young. Sheikh Ibrahim begin serve as Muezzin around age 15 for one Neighbourhood Mosque for Madinah. Lata, afta e continue di work for different Places, dem formally appoint am as one of di Muezzins for Masjid Al-Haram around 2017–2018. E a study Qur’anic Studies and come from Family wey get strong Religious Background.
E talk before for Interview how much di first Adhan wey e perform for Masjid Al-Haram mean to am. E talk about how e become emotional when e see Worshippers dey make Tawaf around di Kaaba while dem dey hear im Voice.
Di Death of Sheikh Ibrahim don bring attention from Muslims and People wey dey follow Religious Affairs across different parts of di World, including Africa. Masjid Al-Haram for Makkah na di holiest Mosque for Islam and na there Kaaba dey, di Direction wey Muslims across di World dey face during Prayer.
Saudi say Funeral Prayer for Sheikh Ibrahim go take place afta Asr Prayer for Masjid Al-Haram on Monday, dem talk say dem go bury am for Al-Mualla Cemetery in Makkah.
Reported Adhan for di Mosque na di first Fajr Call on Monday. Di exact Cause of Death remain unclear from official Information available.
Sheikh Ibrahim Al-Madani, one of di main Muezzins for Makkah Grand Mosque, don die on September 21, 2026, hours afta e reportedly make im final Fajr Adhan.
![Subscribe to Obaland Magazine](<a href="/advertise"> <img src="https://yourwebsite.com/path-to-ad.jpg" alt="Advertise with us" width="300" height="250"> </a>){kind=link}